Life is Cycle!

Bang Naip merasa siang entu kudu waktunye istirohat. Lumayan sepagian sesiangan doi narik ojek ngegonceng banyak “customer” nye ngider2 Jakarta Selatan ame Jakarta Timur. Rejeki dahh…. katenye di dalem ati.
Sekarang waktunye ngaso, secara kalo pulang ke rumehnye di Kampung Melayu jauh banget, posisi sekarang di pertigaan Pondok Kopi yang dipojokan ade McD nye. Motor ojek Bang Naip dipinggirin ke deket tukang ketoprak nyang mangkal depan ruko disitu. Abis nenggak teh tawar, doi pesen ketoprak buat nge-lunch. Udeh kenyang ngabisin seporsi ketoprak, mulai deh Bang Naip ngipas-ngipas ngilangin keringetnye.
Bang Naip ngelamun, hidup ini emang siklus, kate hatinye. Sama ame alam sekitar kite, pan ada siang, ada malem, trus siang lagi. Begitu perputarannye, kalo katenye mas irfan tetangge Bang Naip, itu istilahnye “siklus”.
Begitu juga manusia, terlahir dari berpadunye sel mani ame sel telur yg asalnye dari saripati nyang dimakan ame bokap en nyokabnye masing2.
Makanan berasal dari nabati en hewani nyang makan tumbuh2an. Tumbuh2an mengambil enerjinye dari tanah.
Kembali ke siklus manusie, seudehnye lahir, gede, kawin, tue, ko’it, kembali ke tanah lagi.
Jadi kehidupan kite itu siklus dari tanah kembali ke tanah. Life is Cycle!
Naa… waktu ngaso udeh abis, bang naip kudu start nyari rejeki lagi… ame motor tercintanye buat ngojek lagi.
Ciaoo!