Maju Kena Mundur…Apalagi Malah Kena!

Courtesy cuomovablogspotcom

Senin 25 Oktober Jakarta heboh!! Bukan ape2, bukan heboh sembarang heboh!… Tapinye Jakarta heboh soal banjir nyang kagak ade selesainye. Kudu Bang Foke, abang gubernur kita turun tangan nech…
Bayangin ajeh, bertubi2 bencana dateng. Silih berganti nech secara nasional sih ye. Abis banjir yang meluas di Jakarta, ada tsunami di Kepulauan Mentawai Sumatera Barat. Abis itu, Gunung Merapi di Yogya, ngamuk atawa meletus lagi. Salah satu korban jiwanye ya Mbah Marijan. Trus, helikopter Polri jatuh di Papua, semua korban… 5 orang, bapak2 pulisi meninggal semua.
Ternyate, Bang Naip juga baru nyadar, di Sumatera Barat ada juga nyang name gunungnye Merapi. Cuman nyang di Sumbar nech rada2 jinak. Kabarnye meskipun entu gunung masih aktif, tapi udeh ratusan tahun kagak kenape2.
Kembali lagi ke persoalan banjir Jakarta. Udeh waktunye, Bang Fauzi Bowo kudu turun tangan buat nyari solusi entu banjir. Empati dikit kek, ame kita2 nech nyang masih melaksanakan pola hidup sederhana. Apelagi nyang kayak Bang Naip, emang idupnye dari muter2 kota ame taxi silver bird nye. Jangan kayak anggota dewan nyang terhormat nih, sebentar2 pergi ke luar negeri buat studi banding.
Moga2 ajeh sukses ye Bang Foke alias Bang Fauzi Bowo. Aye selalu dukung ente Bang!
Proficiat!!