Padang Batak Jawa

courtesy zazzleDOTcom

Akhir2 ini Bang Naip rada sering juga di call ame Bang SHA buat nganter pake silver bird nye ke seantero Jakarta. Hikmahnye sih banyak hal bisa didapat ame Bang Naip selama ngobrol2 di dalem taxi nye doi.
Antara lain bang sha pernah bilang begini: “Berpikirlah seperti orang Padang, Berkatalah seperti orang Batak, Bertindaklah seperti orang Jawa. Niscaya hidupmu akan berhasil di Indonesia!”
Nah, nyang ini nih perlu dikaji ulang, pegimane implementasinye. Khususnye bagi bang naip nyang sehari2 sebagai supir taxi silver bird. Masuk ape kagak entu perkataan bang sha nyang bisa2nye ngasih filosofi kayak gitu.

anak daro minang courtesy skyscrapercityDOTcom

Ini hasil obrolan bang naip ame bang sha, nyang dirangkum dari berape kali pertemuan di dalem taxi silver bird bang naip, sambil nganter bang sha: Kita tau kalo orang Padang seperti nyang keliatan sehari2 di Jakarta, kayak nyang banyak menguasai Mal di Tanah Abang, rata2 lihai dalam berdagang. Ada kala nye bisa ngelebihin orang Cina perantauan nyang tumplek di daerah Kota entu. Jadi cocok berdagang (baca: berbisnis) pake pola pikir seperti orang Padang.
Selanjutnye, kita juga tau kalo pengacara2 nyang sukses, paling kagak, nyang paling sering nongol di tv, ato ngetop di berita media massa, yaitu orang Batak. Sebab orang2 ini selain berbicara secara logis, juga pandai nemuin padanan kata nyang jelas buat ngejelasin suatu persoalan en solusinye. Jadi orang Batak jelas en pandai dalam bertutur kata. Bahkan untuk mengekspresikan segale sesuatu secara to the point.
Terakhir tentang orang Jawa. Udeh kagak usah diterangin ajah dah. Dimane2 kita mudah nemuin orang Jawa ame segale typical nye.

tari tortor batak courtesy teguh001DOTblogspotDOTcom

Dalam berperilaku, orang Jawa emang udeh jagonye. Sopan santun loh jinawi mawa bea mikul duwur mendem jero entu membuat orang bisa menerime dalam berbagai situasi en kondisi deh tuh.
Jadi begitu lah, “Berpikir ala orang Padang, Berkata ala orang Batak, Bertindak ala orang Jawa. Niscaya hidupmu akan berhasil di Indonesia!”
Hidup Indonesia!

kartun jawa - courtesy oyeeblogDOTwordpressDOTcom