Oleh: naive7 | 12 Oktober 2009

Bang Naip – Bang Wiskul Rapat Kerja PBB ‘Persatuan Bajaj Betawi’ (1)

Bang Naip malam ini di pos ronda ketemu tetangge sekaligus sahabat kentel doi Bang Wiskul. Ternyate Bang Wiskul abis dari raker persatuan bajaj betawi hari ini. Wuuiiih keren juga neh, pikir Bang Naip sambil menyimak cerita bang Wiskul. Mulai deh Bang Naip menyimak cerita Bang Wiakul sebagai berikut:
Hari ini Bang Wiskul rada ogah-ogahan narik bajajnye, sedikit jutek lah bawaannye. Bang Wiskul cuman narik bajaj disekitaran rumah kontrakannye di Kampung Melayu, yaa paling jauh sekitaran Tebet lah.
Asal muasalnye abang kite ini lagi capek, gare-gare kemaren sok belagu jadi ‘panitia’ rapat kerja persatuan bajaj betawi. Udeh gitu di rumah Bang Wiskul kena marah bokinnye, “ngapain juga elu ngurusin rapat2 segale… meningan elu narik bajaj ajeh, dapet rejeki, daripade elu belagu jadi panitia2an segale,” begitu bininye tercinte Bang Wiskul ngomel2 ajeh sepulangnye Bang Wiskul dari rapat PBB..upps…PBB.. mantap!
Sebetulnye, semua ini atas ide Bang Wiskul juga sech. Doi merasa para supir2 bajaj se Jakarta ini perlu ada wadah buat pemersatu mereka termasuk Bang Wiskul. Lagian, masih menurut Bang Wiskul, kalo kagak kite sendiri yang mikirin nasib kite.. siape lagi.. yang bisa merhatiin kite… Begitu asal muasalnye.
Jadian dech, abang kite tampil sebagai panitia Rapat Kerja Persatuan Bajaj Betawi… disingkat Raker PBB… hohoho… menurut Bang Wiskul khan keren juga nech, supir bajaj kalo ditanya orang, kenape kagak narik bajaj, jawabannye …ohh..Bang Wiskul lagi ‘raker’ tuch…hehehehe🙂
Lumayan, 3 hari Bang Wiskul nge-raker ame temen2 seperjuangannye. Apelagi Bang Wiskul ame sebagian temen2nye sekalian jadi panitianye. Udeh gitu pake nge ‘rekrut’ orang luar lagi, sebagai pembicara ‘outsourcing’ katenye. Jadilah si Rojak, pemude pengangguran tapi biasa rapat2 RT sebagai aktivis karang teruna di kampungnye, sebagai nara sumber. Kalo dari unsur ‘pejabat’ nye, Pak Sutejo ketua RT O8 Kelurahan Kampung Melayu nyang jadi pembicara ke 2 atawa nara sumber 2. Woouuw…
Tempatnye, Bang Wiskul minjem ruang pertemuan Kelurahan Kampung Melayu, pas dibelakang Mesjid Attahiriyah. Buat komsumsi raker, Bang Wiskul ngutang dulu ame Mpok Munah, nyang punye warung kopi dipojokan antare Jl. Kp Melayu Kecil ame Jl. Bukit Duri Tanjakan…

Upps..bakalan berlanjut yeee, kate Bang Wiskul sambil noleh ke Bang Naip…… (Yoi nech pikir Bang Naip… tu bi kontinyu yee…)


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: