Oleh: naive7 | 15 Oktober 2009

Pembagian

Kali ini Bang Naip lagi resah… bukan ape2… tengah malem gini suhu di dalem kamar rumahnye panas banget… udeh gitu seliweran nyamuk berdenging di kupingnye kagak berhenti2. Ape boleh buat! Ngelirik bokin disebelahnye, lagi tidur pules banget. Bangkitlah abang kite dari dipannye, posisi duduk sebentar… langsung menuju dapur. Untung masih ade aer panas di termos. Bang Naip nyeduh kupi tubruk sebentar en sambil nenteng cangkir kupinye nyang ngepul2 asapnye… menuju teras rumahnye nyang sempit. Pas2an ame bates jalan gang rumahnye.
Melangkah lagi ke tengah jalan gangnye, dia liat di pos ronda ada seseorang masih nagkring. Dari perawakannye dari jauh keliatannye bukan si rojak nech… cicek pos ronda… hehehe…
Penasaran bang Naip melangkah dengan mantap sambil nenteng cangkir kupi panas menuju pos ronda. Eeeeh… dari jarak 5 meter baru keliatan deh. Ternyate si uda Jubaer …urang awak yang rumahnye segang ame bang wiskul.
Bang Naip mendekat ke pos ronda, uda jubaer udeh negor ajeh.
Jubaer (J), ” bang Naip, gabung dong sini…”
Bang Naip (BN), ” ho’oh Jubaer… pan ini gue lagi ke elu nech…”
J, ” iyo lah, bang….”
BN, ” …baer, elu ngapain tengah malem gini masih nagkring…”
J, ” idak apo2 bang… awak nii lagi teringat ke akmpung awak di pariaman”
BN, ” nape emang… pan elu bilang kemaren2 emak ame sudare2 elu kagak ape2.. kagak jadi korban gempa.. ”
J, ” itu lah, bang… memang keluarga awak aman2 sajo, bang ”
BN, ” naaa kenape elu keingetan kampung elu?”
J, ” begini, bang…. di pariaman itu, bang… saya punya banyak sanak famili… ninik mamak yang saya engga tau kabarnyo, bang”
BN, ” lah…terus.. ”
Eeeh, ujug2 dateng si Rojak nenteng gitarnye masuk pos ronda juga.
BN, ” eh, Jak… elu gue sangke udeh tidur nech…. tumben kagak ade di mari darisan tadi”
Rojak (R), ” …iye, bang… ane tadi barusan numpang nonton tv di rumah pak RT Sutejo sambil nemenin pak RT ngobrol… ”
BN, ” emang pak rt kenape Jak?”
R, ” entu, pak rt lagi ditinggal bini ame anak2nye pulang ke Jawa, bang… mertua pak rt katenye lagi sakit… ”
BN, ” oh begitu….. eh iye tadi uda kite neh uda jubaer lagi cerite… kalo dia lagi keingetan kampungnye, Jak… terusin da ceritenye”
J, ” iya laa… saya tuu lagi keingetan masa kecil saya di padang pariaman… naaa dengan kejadian gempa kemaren, entah bagaimana kabar saudara2 sekampung itu sekarang?”
R, “emang uda kagak telpon2 nanya kabar mereka?”
J, ” kemaren itu, Jak… saya hanya nelpon tanya kabar emak dan adik2 saya aja, jak… karena terburu2 saya idak tanyo kabar sanak keluarga saya yang laen…”
BN, ” ohh begitu…jubaer. Begini deh, apapun kabarnye, kite doain ajeh ye, mudah2an sii semua kagak ape2… Insya Allah deh, Tuhan ngasih yang terbaik buat saudara2 elu entu… amiin”
R, ” amiin…uda”
J, ” terima kasih, bang wiskul sama rojak”
BN, “same2 uda…”
J, ” memang bang, kalo kita cerita bantuan di padang sana… terus, kalo kita ingat matematika jaman sekolah dulu. Kan ada aritmetika, aljabar atau apa lah namanya. Nah, itu ada kali, bagi, tambah, kurang. Ternyata paling sulit itu yaa pembagian dibanding dengan pengurangan, perkalian dan pertambahan, Bang!”
R, “ya elah uda, ape lagi nech arah pembicaraannye…”
J, “begini jak, kalo kita bicara bantuan2 di Sumbar itu, panitia penyalur bantuan itu pastilah susah sekali kalo membagi secara adil, membagi bantuan untuk orang2 yang menjadi korban gempa. Itu kalo kita bandingkan kalo mereka mengali, mengurang atau menambah…. hehehe…!”
BW, ” ??? …eh he…hehe….” Bang Naip ketawa nyengir sambil garuk2 kepala… ?!? (tandanya abang kite ketawa partisipasi ajeh walaupun kagak ngarti ape artinye obrolan uda jubaer….)
R, ” ho’oh…iye da…iye…he..heheh” Rojak pura2 mengerti arah sindiran uda jubaer….
J, ” bukan begitu Jak…iya engga bang Naip…huahahaha…hehehheh”
BN & R, “…????…”


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: