Oleh: naive7 | 15 November 2009

Positive Thinking

Udeh 2 hari ini mesin motor ojek Bang Naip berebet2. Pada putaran rpm tertentu, motornye jadi enjot-enjotan jalannye.
Ape boleh buat, Bang Naip siang hari ini ngebawa motornye ke bengkel Pak Joko nyang buka dideretan sebelah Attahiriyah ke arah pojokan Bukit Duri Tanjakan.
Sambil nungguin karburator motornye dioprek ame si Juki, mekanik bengkel Pak Joko, Bang Naip cari tempat tongkrongan buat rilek sejenak.
Akhirnye doi ketemu kursi panjang di warteg sebelah bengkel. Sambil duduk Bang Naip minjem koran Pos Kota lecek, yang udeh dibaca puluhan orang di warteg entu.
Lembar demi lembar doi baca sekilas ajeh. Bang Naip kagak abis pikir, kenape siy petinggi-petinggi negeri ini pade saling salah menyalahkan. Kenape juga banyak kaum selebritis pade kawin cerai. Aduh.. ade berita pembunuhan cewek lagi di apartemen Jakarta Barat. Ada berita gembong maling motor Jawa Timur ditangkap di rumah bini mudanye di Madura. Berita ini, berita entu…
Bang Naip berenti mendadak baca korannye. Doi rasanye kagak nyaman nerusin baca koran. Berita2 yang ade cenderung negatif ajeh. Mane berita positifnye? Begitu pikir Bang Naip.
Doi berandai-andai, coba barangkali, kalo semua orang Indonesia berpikiran positif semua, bisa jadi kagak ade tuh gontok-gontokan antar pejabat. Bisa jadi kagak ade pembunuhan, kawin cerai, en seterusnye… paling kagak, berita kriminal ato kriminalisasi berkurang dah.
Udeh gituh, kalo orang Indonesia ber “positive thinking” semua, bisa jadi pade berkurang tuh cerita temen2 ato tetangge Bang Naip nyang sakit jantung, hipertensi, stroke, cuci darah, ambeien… dan seterusnye dah.
Yoi dah… Bang Naip terdiam sejenak, koran Pos Kota doi lipat. Doi pikir, positive thinking harus dimulai dari diri kita masing2…
Wooitts… tiba2 ade nyang nepok pundak Bang Naip, lamunan buyar seiring kagetnye Bang Naip. Oh ternyate si Juki ngasih tau kalo motornye doi udeh beres tuh.
Okay deh, friends. Bang Naip bersiap mengais rejeki lagi niy. Go.. go.. go..


Responses

  1. Go.. Bang Naip.. Go.. Bang Naip.. Go!

  2. Yoi bang , kita berpikir positif ajah dah. Salam dari NTB yah.

  3. That what’s friends r 4, bang naip… hehehe…

  4. That what’s friends r 4, bang naip… hehehe…


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: