Oleh: naive7 | 22 November 2009

Ambeien

Minggu pagi nyang cerah. Bang Naip ada rencane narik ojek rada siangan dikit. Bukan ape2, udeh lama doi kagak silaturahmi ame tetangge2 nyang pade sibuk masing2. Sekali2 nyari rejekinye rada siangan lah, silaturahmi pan penting juga, pikir Bang Naip.
Abis ngupi ame nge-ruti sekadar sarapan ajeh, Bang Naip bergegas keluar rumahnye. Barangkali aje ada nyang bisa ditegor tetangge2 doi.
Pas diluar pager rumahnye, Bang Naip ngeliat dikejauhan Pak Tejo RT lagi ngobrol serius ame si Gadis, nyang jadi kembang kampung gara2 selain cantik doi juga pinter. Gadis berpakaian olahraga en ngobrol ame Pak RT dipinggir gang Kampung Melayu Kecil.
Nyang bikin heran, kok Pak Tejo ngobrolnya sambil bungkuk2 gitu kayak menahan sakit. Perawakan Pak Tejo jadi berpenampilan kayak kakek2 dimata Bang Naip.
Tanpa pake pikir panjang lagi, Bang Naip penasaran ame nyang diliatnye niy. Doi berjalan nyamperin Pak RT en si Gadis.
Begitu ketemu, mereka saling bertegur sapa dulu. “Eh elu, Ip… apa kabar niy”, begitu Pak RT menyambut Bang Naip. Masih sambil terbungkuk-bungkuk.
“Bae2 ajeh Pak RT”, Bang Naip ngejawab sambil nyengir. Terus bersalaman juga ame Gadis nyang sedikit berkeringat, mungkin abis gerak2 badan kali, pikir Bang Naip, tapi siy tetep ajeh.. dasarnye cakep, biar kate keringetan, tetep ajeh cantik.
“Maap Pak RT, aye boleh nanya khan niy ye?”, begitu Bang Naip nanya Pak RT masih sambil nyengir2.
“Elu pasti mau nanya gue kenape bongkok2 begini khan!”, Pak RT ternyata udeh tau jalan pikiran Bang Naip niy.
“Ho oh.. iye Pak RT.. hehe..”, cengiran Bang Naip tetep ajeh.
Gadis yang ngejawab, dengan senyumannye yang menawan setiap cowok, bilang “begini bang naip, pak tejo ini sekarang lagi diserang ambeien. Ato kalo kita bilang, lagi sakit wasir. Dalam ilmu kedokteran, pak tejo ini kena sakit hemoroid akut”, begitu si Gadis ini ngejelasin Bang Naip.
Maklum calon bu dokter niy.. begitu kate dalem hati Bang Naip sambil2 garuk2 kepala.
“Sebentar Dis, gue mau memperjelas dulu niy. Jadi, pak rt niy sakit ambeien atawa sakit nyang ada disekitar dubur ye.. mangkenye pak RT kite niy sampe kebongkok2.. bukan begitu, Dis”, Bang Naip ngelepas rase penasarannye.
“Iya betul Bang Naip..”, Pak RT ikut sahutin sambil ngeringis. Terus ngelanjutin ngomong, “gue udah ke dokter 2 kali, dikasih obat minum ame ‘peluru’.. itu tuh obat nyang dimasukin didubur. Eeeh.. masih kagak mempan, Bang Naip. Sakit didubur gue niy masih aja rasa2 nyeri. Mumpung gue ketemu si Gadis niy, nyang mahasiswi kedokteran UI, sekalian dah gue nanya2 tentang penderitaan gue ini. Begitu, Bang Naip.. hehehe”.
“Oh begitu, udeh mulai jelas deh ceritanye niy Pak RT”, Bang Naip nyambut kata2 Pak RT.
Pak RT ngelanjutin, “ternyata menurut si Gadis niy barusan, ambeien ini nyang tau pengobatannya, berdasarkan jenis wasir, trus stadium sakitnya, adalah dokter spesialis bedah atau dokter spesialis internis.”
Gadis nyamber ngomong, “betul Pak Tejo cepat paham niy. Bukan apa2 Pak, dokter2 itu bisa lebih efektif dan efisien menyembuhkan penyakit sesuai dengan kondisi pasiennya.”
Naa.. mulai lagi “bu dokter” cantik ini ngasih penjelasan niy, begitu pikir Bang Naip.
Hari makin siang, Bang Naip kepikiran siap2 narik ojek. Sementara, Pak Tejo setelah dijelasin Gadis, buru2 mau datengin dokter spesialis yang kira2 buka praktek di pagi hari Minggu ini.
Yo’i dah, semoga cepat pulih en sembuh, Pak RT. Mugi-mugi bisa cepat bertugas lagi sebagai Ketua RT 008.
Amiin..


Responses

  1. Sate kebo, mantab bang.. apelagi pake bumbu sate maranggi.. wuuiih!

  2. Kumaha euy, bang naip.

  3. mane cerite ultraproct kayak di tag nye?

  4. waduh moga cepat sembuh aja ya…


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: