Oleh: naive7 | 5 Desember 2009

Jangan Mengeluh

Udeh waktunye selesai acara mengaji si Maulana, anak paling gede Bang Naip, ame Ustadz Ujang di suatu malem di ruang tamu rumeh kontrakan Bang Naip.
Seperti biase sebelon Ustadz Ujang pamit pulangan,

Romlah Naip

Mpok Romlah bininye Bang Naip nyediain teh anget manis ame pisang goreng buat Ustadz Ujang. Biase.. jejamuan orang Betawi, kudu nyediain suguhan buat tamunye dari sang tuan rumeh.
Bang Naip ngajak ngobrol deh sebentar sambil nanya2 ilmu ugame ame Ustadz, “Ustadz sambil nge-teh niy, ane mo nanye niy..”
Ustadz Ujang, “Boléh2 aje Bang.. Emang ade ape nyang mo ditanyain niy Bang”
BN, “Begini, Ustadz.. tadi siang tanpa sengaje, waktu ngaso di pangkalan ojek Bukit Duri, ane nyebut Masya Allah. Emang siy, nada omongan ane ame ekspresi napas ane kesannye emang kayak mengeluh gitu. Naa.. temen ane sesame ojek nyang rada aliman, bilang kalo nyebut Masya Allah kagak boleh sambil mengeluh. Katenye, itu tandenye kite kagak optimis en seolah2 kite kagak beriman ato menyepelekan Allah. Begitu Ustadz, menurut ente pegimane niy”. Bang Naip maen langsung nyerocos ajeh memanfaatin waktu niy, secara Ustadz udeh mau pulang.

Ustadz Ujang

UU, “Hehehe.. bener juga Bang kate temen ente tuh. Karena ade hadist2 nye niy.”
BN, “Ape ajeh tuh Ustadz?”
Ustadz Ujang langsung ngejelasin kayak lagi berceramah dihadapan Bang Naip, Mpok Romlah en Maulana sebagai berikut:
**Bersabarlah dan jangan mengeluh. Sebab ade hadist Rasulullah SAW yang artinya, “Sesungguhnya orang mukmin akan menerima tekanan hidup seperti bencana semisal terkena duri atau yang lebih besar, juga rasa ketakutan, melainkan Allah akan mengangkat derajatnya satu derajat serta menghapuskan satu kesalahan dengan kesabarannya menghadapi bencana dan kesusahan tersebut.” (Hadist riwayat Al-Hakim).
Umat Islam akan diuji dengan lima perkara: saudara seagame yang selalu ajeh dengki terhadapnye, orang munafik yang senantiasa membencinye, orang kafir yang suka memeranginye, syaiton yang selalu berusaha menyesatkannye dan bisikan hawa nafsu yang selalu ngegoncang keimanannye. Semuanya ini menuntut kesabaran dan di dalamnya terdapat ganjaran pahala yang besar dari Allah SWT.
Lawan bagi sabar adalah mengeluh dan ini merupakan perbuatan yang amat dilarang oleh agama, sebab kalo mengeluh terus bisa bikin semangat menjadi lemah dan munculnya perasaan kecewa serta putus asa.
Sedangkan Allah SWT berfirman, “Sesungguhnya setelah tiap-tiap kesukaran/kesulitan disertai kemudahan.” (Surah Al-Insyirah, ayat 6).
Sebagian orang kagak bisa nerima kesusahan nyang dihadepin, misalnye kehilangan orang nyang disayang, ato kehilangan harte bendanye. Kagak mau terima keadaan ini bisa jadi seakan2 memungkiri kekuasaan Allah.
Kalo seseorang menghadapi musibah, dia kudu wajib nerimanye berlapang dade en bersabar. Contohnye menghadapi kematian orang yang dikasihi, kemalangan ato sakit. Ini ujian yang meningkatkan iman, jalan buat menambah kebaikan pade diri seseorang mukmin. Seperti sabda Rasulullah SAW yang artinye, “Siapa yang Allah kehendaki kebaikan terhadapnya, Dia akan mengujinya dengan ditimpa musibah.” (Hadist riwayat Bukhari).
Sabda Baginda SAW dalam hadist lain lagi: kagak ada sesuatu yang menimpa seorang mukmin seperti kepayahan, kesakitan, kesusahan mikirin sesuatu yang belon terjadi, kesedihan, sesuatu yang menyakiti, atau kesusahan ngingatin yang udeh terjadi – sampai kayak ditusuk sembilu – melainkan Allah hapuskan penyebabnya, sebagian dari dosa-dosanya. (Hadist riwayat Bukhari, Abu Sa’id Al-Khudri dan Abu Hurairah r.a.).
Bagi menghadapi musibah, Islam mengajar umatnya beberapa cara dan adab, antara laen: 1.Bersabar. 2.Mengucap ‘Innalillahi wa inna ilaihi raji’un.’ 3.Menenangkan lidah dan badan. 4.Selayaknya kayak cendekiawan Islam dan alim ulama nyang bisa menyembunyikan musibahnye. 5.Berdoa dan bertawakal kepada Allah SWT.

The Naive Big Family

Mudah2an kite semua selalu dlm perlindungan Allah SWT. Amin..**
Begitulah akhirul penjelasan dari Ustadz Ujang sambil beranjak berdiri, “Mohon maap niy, segini dulu penjelasan ane, berhubung udeh semangkin malem niy. Nanti, Insya Allah kite lanjutin lagi yeh”
BN, “Wah, kite ini nyang kudunye minta maap udeh ngerepotin Ustadz niy”
UU, “kagak.. kagak ape2. Udeh ye, ane pamit, terime kasih suguhannye. Wassalamualaikum Wr Wb”
BN, “Wa’alaikum Wr Wb. Sampe ketemu lagi Ustadz.


Responses

  1. i love it!


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: