Oleh: naive7 | 1 Januari 2010

Selamet Taon Baru 2010

Akhirnye kite nyampe juga di taon baru 2010 nyang katenye penuh pengharapan. Tadi malem kerasa banget gedebam-gedebum bunyi petasan ame kembang api nyang meledak di udara Jakarta. Rada gerimis-gerimis sedikit, tapi lumayan kedengeran juga rame-rame orang niup terompet kertas dimane nyang jual antara laen di ujung bukit duri nyang tembus ke pasar mester jatinegara.
Sebenernye sih niy….dalem rangke menyambut taon nyang baru, ibarat kate kite menyambut sesuatu nyang baru, banyak harapan-harapan nyang dibuat orang. Emang manusiawi juga. Soalnye segale permasalahan nyang ada makin ngeribet ajeh. Dari urusan rumeh tangge masing-masing sampe urusan tingkat tinggi, nyang ngelibatin petingi atawa pejabat negare kite.
Dari urusan masang bendera setengah tiang memperingati wafatnye mantan Presiden kite, dimane tiangnye ajeh dirumah aye lagi ilang dimaling orang, sampe urusan george aditjondro nyang kite kagak tau belakangan juntrungannye tiba-tiba ajeh nongol lagi, en bikin geger dunia persilatan ajeh.
Kagak usah berpanjang lebar, kite ringkes ajeh, menyambut taon baru ini kite berpikir sederhane ajeh yeh seperti nyang ane kutip dari blog nye sekretaris RT-008 di kampung ane, Pak Yuliansyah, di http://rt008.wordpress.com kayak begini:
Kita berfikir sederhana saja. Mulailah bertindak lebih baik lagi dari waktu ke waktu! Jangan korupsi lagi! Gunakan hati nurani lebih baik lagi. Ingat anak cucu kita.
Selamat Tahun Baru 2010.
Salam dari Kampung Melayu Tebet!

Begitu siy nyang dikutip dari blog Pak Yuliansyah. Yoi dah, selamet taon baru yeh.
Salam dari Bang Naip.


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: