Oleh: naive7 | 4 November 2010

Tanah Villa Dekat Warso Farm Durian (2)

REPLIKA DUREN N BUAH MERAH WARSO FARM

Seperti nyang udeh diceritain di jilid 1 judul cerite nyang sama, ini tulisan pengalaman lanjutan Bang Naip ame Bang SHA.
Lebih khusus lagi cerita hasil hunting tanah di sekitar Gunung Salak nyang dapetnye disekitaran Warso Farm duren. Di salah satu kolam ikannye Warso Farm, ade tulisan “The Old Soldier Never Die, They Just Fade Away”, maklum mantan Kopassus entu Pak H. Soewarso Pawaka. Di Desa Cipelang Kecamatan Cijeruk Kabupaten Bogor.

TULISAN KOLAM WARSO FARM


Pade suatu hari, bang naip en bang sha ke lokasi entu lagi. Emang sih belon deal ame nyang punye tanah. Tuan tanahnye namanye Wak Haji Kosim. Konon beliau salah satu tuan tanah terbesar di daerah Cijeruk Bogor.

VIEW GN SALAK VIA WARSO FARM


Bener kate temennye Bang SHA nyang jadi konsorsium beli tanah di Cijeruk tuh. “Lelaki belon sempurna kalo belon punye tanah buat kebon ato empang ikan ato bahkan buat villa!” Dapet dari mane lagi entu kate2 mutiara ye. Wah… wah… udeh dah, kagak useh dipikirin dah. Nyang penting, Bang Naip punya juga sebidang kavling di tanah ini. Berkat hibah entu konsorsium temen2 ame Bang SHA buat Bang Naip.

GN SALAK KETUTUPAN KABUT VIEW KAVLING (1)


Menyambut hari PPJB, atawa Perjanjian Pengikatan Jual Beli, semacem tanda jadi ato DP begitu, dihadapan Notaris daerah Rancamaya, Bang SHA mengukur ulang luasan entu tanah. Biasa dah, kate peribahase kate juga tuh, ada gula ada semut! Pas Bang SHA dibantu Bang Naip ngukur2 sana sini, mulai deh ngerubung. Dari tetangge, penduduk sekitar entu tanah, sampe nyang berperan jadi calo, asisten calo, polisi ngaku2 keamanan disekitar Cijeruk, bandar kambing nyang rumah ame kandang kambingnye di depan entu tanah.

GN SALAK KETUTUPAN KABUT VIEW KAVLING (2)


Untung ajeh otaknye bang sha ame bang naip lagi dingin, sedingin ato sesejuk udara di kaki gunung Salak entu. Semua dijabanin dengan sabar. Paling kagak, mereka2 pan jadi stakeholder di tanah konsorsium ini.

SKETSA LAYOUT KAVLING


Dari kavling2 ini view ke Gunung Salak ketutupan pohon kelapa di tanah sebelah. Tapi sih, kate orang2 nyang ngerubung nih, entu pohon bisa dibeli, trus ditebang deh, jadi view nya okay lega dah en akses pemandangan view Gunung Salak kagak ketutupan lagi. Walau di waktu2 tertentu puncaknye ketutupan awan kabut.
Kecamatan Cijeruk ini di Selatan kota Bogor, kalo Gunung Salak ke arah Barat nye tanah Cijeruk ini. Sementare entu, air dari gunung mengalir kagak berhenti2 nye, suara air mengalir bikin suasana tenang pedesaan kerasa meresap banget dah!

GN SALAK KETUTUPAN KABUT VIEW KAVLING (3)


Sempet juga, berdua nih, bang sha ame bang naip studi banding ke lokasi nyang lebih tinggi lagi, ke arah Gunung Salak. Orang2 nyebutnye ke “gunung teh”.

COURTESY VILLABAMBU.COM

Rata2 rumahnye model rumah panggung ame kolam ikan pas dibawah nye.
Okay dah ntar dilanjut lagi ame Bang Naip.
BERSAMBUNG ( *)


Responses

  1. antap niy Cijeruk… Gunung Salak view ya….

  2. Bang, cijeruk disebelah mana caringin nech?

  3. entar villanye villa bambu atawa villa kolam ye…🙂

  4. kalo di kaki gunung salak, mantap tuh. view nya aku suka loh.

  5. aku masih bisa ikutan dapat kavling, engga ya. soalnya aku suka view gunung, apalagi kalo pagi hari. enak banget rasanya mandang gunung, gitu deh.

  6. Hello. And Bye. fr33 pr0n this is it!


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: