Oleh: naive7 | 29 Desember 2010

Tanah Villa Dekat Warso Farm Durian (3)

Gunung Salak View 1

Akhirnye jadi juga nech Bang Naip ame Bang Sha nyang kesekian kalinye ninjau kavling nyang di daerah Cijeruk Bogor di deket Warso Farm Duren. Secara lagi ade nyang ngerjain pengerasan areal termasuk pembuatan jalan gerbang masuk entu areal kavling. Apelagi semua stakesholder….. huahahaha…… ciiiieeee…. istilahnye entu nyang kagak tahan nech!, udeh pade commitment mau ngebikin kelar fasumnye dulu.
Ini cerite sambungan dari serial tulisan dengan judul nyang sama, jilid 1 bisa dilihat di https://naive7.wordpress.com/2010/10/31/tanah-villa-dekat-warso-farm-durian/. Kalo cerita jilid 2 bisa diintip di https://naive7.wordpress.com/2010/11/04/tanah-villa-dekat-warso-farm-durian-2-2/. Kalo ngintip hati-hati mata ente-ente pade jadi bintitan yeah….. hehehehe ….sedikit lebay dah!
Sesampenye di areal entu di Cijeruk terjadilah pengambilan foto-foto, khususnye buat ngambil view Gunung Salak nyang manteb itu.

Gunung Salak View 2


Sementare entu, terlihat juga si Bidu, nyang jadi kontraktor ngerjain pengerasan areal termasuk pengerjaan pengerasan jalan en gerbang masuk areal orang-orang entu.

Selokan Air View 1


Rencane selanjutnye sech, ada tahapan cut and fill per kavling buat nyiapin levelling, atawa pembuatan kontur kavling sesuai selera masing-masing pemilik kavling. Kontur eksistingnye dirubah sesuai desain layout masing-masing dah.

Selokan Air View 2


Sebenernye sebelon tahapan cut and fill ada perencanaan pembuatan turap pake  sistem nyang sederhane yaitu pake beronjong. Penurapan diberlakukan buat nyang kavling nye di sisi belakang punya level nyang curam, agak berjurang gitu deh.

Pengerasan Gerbang


Tapi buat orang-orangnye si Bidu supaya gampang menuju ke lokasi penurapan, buat ngangkutin batu-batu kali nyang gede-gede entu, perlu pengerasan areal keseluruhan pake alat berat dulu.

Pengerasan Jalan Areal


Ape mau dikate deh. Pemilik kavling masing-masing belon nge-posting tambahan dana buat ngadain alat berat nye Om Bidu nech. Jadi sementare pengerjaan pengerasan areal dulu pake manual ajeh.
Bang Sha sech, kemaren-kemaren sempet juga beli 7 macem bibit duren buat ditanem di entu kavling. Bibit durennye pake sertifikat. Macem-macemnye entu duren ada yang namanye D-24, Rancamaya, Petruk, Cane, Matahari,  dan lain-lain lagi namanye.
Para stakesholder entu kavling selaen Bang Naip ame Bang Sha seperti Bang Hap, Pak Ryslu, Pak Wahda, Pak Zarmei, Pak Laswin, si Bidu sendiri, Pak Nuk udeh pade bolak balik ninjau areal entu ngajak anak bininye pade.
Okay, boss…… segini dulu berita dari kavling villa. Soalnye Bang Naip ame bang Sha maue segera meluncur ke villa Bang Hap buat nyicipin lagi duren Rancamaya nyang suseh dilukiskan ame kate-kate rase duren menteganye entu.


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: