Oleh: naive7 | 20 Februari 2011

Rudiansyah (1)

Di suatu hari, Bang Naip dikenalin ame sodaranye Pak Yuliansyah, tetanggenye Bang Naip nyang juga sebagai sekretaris RT di Kampung Melayu Tebet.
Bang Naip biase manggilnye Pak Yul ajeh. Sodaranye Pak Yul entu namanye Rudiansyah.
Sekarang cerite tentang Rudiansyah. Bang Naip manggilnye sech Rudi ajeh. Rudi entu orang Banjar Kaltim, sama ame asalnye Pak Yul. Doi udeh lama kerja di Kaltim, tepatnye di kota Bontang. Doi kerja di anak perusahaan Pertamina, PT Pertagas namanye. Jadi, Rudi udeh malang melintang idup berkeluarga di Bontang.
Bang Naip ketemu ame si Rudi di rumah Pak Yul pas lagi ada acara doa tahlilan buat almarhum ortunya Pak Yul. Berhubung Rudi orangnye supel jadinye ramah ame siape ajeh. Ketemu ame Bang Naip, naa cocok dah tuh.
Belon ape2 doi berdua udeh janjian ajeh, kalo nanti Rudi ade tugas dinas ke kantornye di Jakarta, nyang nganter2 entu maunye silver bird dah, asalkan supirnye Bang Naip. Trus, ngobrol kemane2 dari “a to z” dah.
Ternyate Rudi entu nyang perawakannye rada gendut, umurnye udeh 48 taon. Kerjaan doi ngatur2 supaya suplai gas ke PT Pupuk Kaltim di Bontang lancar. Secara, gas alam entu ame Pupuk Kaltim dipake sebagai bahan baku pembuatan pupuk urea tuh. Mangkanye kilang tempat Rudi gawe entu namanye dulu disingkat SKG atawa Stasiun Kompresor Gas. Sekarang istilahnye jadi transporter gas Pertamina dinamain PT Pertagas.
Berhubung gendut, menurut pengakuan Rudi ame Bang Naip, doi entu mengidap berbagai gangguan kesehatan tuh. Ada diabetes, ada kolesterol tinggi, ada tekanan darah tinggi. Udeh gitu, sekarang doi kagak pernah olahraga dengan alasan sibuk! Sebenernye malas ajeh! Ame cara makan doi kagak terkontrol lagi dah.
Secara doi lagi dinas ke Jakarta en bermalam di rumah sedokur doi yaitu Pak Yul. Jadi Pak Yul entu kena2 sodara ame Rudi. Rudi manggil Pak Yul dengan panggilan Om Yul. Hari2 dinas doi selalu diisi ame perjalanan melalui silver bird nyang disopirin Bang Naip.
Ah…manteb dah!

(BERSAMBUNG)


Responses

  1. Bang naip, salam ame rudi yee, kayaknye ane kenal deh. Doi entu dulu sekolahnye di sma 1 samarinda bukan ye? (umay)


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: