Oleh: naive7 | 26 Februari 2011

Rudiansyah (3)

Kali ini masih cerite tentang Rudiansyah, atawa Rudi panggilannye, tentang kondisi kesehatannye. Rudi ini kerja di Pertamina Bontang, tepatnye di Pertagas dulunye namenye SKG Pupuk Kaltim Bontang. Cerite dari Bang Naip ini hasil dari curhat Rudi di dalem taksi Silver Bird nye Bang Naip tatkala perjalanan sampe di Jln Sudirman nyang macet entu.
Seperti nyang udeh sekilas dibahas di episode 1, di umurnye nyang 48 taon ini, Rudi entu punye lifestyle nyang kagak terkontrol. Akibatnye bukan hanya bodi doi nyang overweight, tapi berbagai gangguan kesehatan mampir di badan doi. Dari diabetes, over cholesterol sampe tekanan tensi nyang kadang2 tinggi.
Bagusnye Rudi rajin CKB atawa Cek Kesehatan berkala, malahan sejak 2 taon lalu, tahun 2009, doi mulai bulanan nge-check kesehatannye nyang amburadul, ame dokter internist. Dokternye geleng2 kepala ajeh ngeliat “life-style” Rudi nyang kagak terkontrol entu.
Pegimane kagak ke kontrol, Rudi entu perokok berat, trus males olahraga, ditambah lagi makan sembarangan, kagak ditaker buat orang nyang overweight, di kantor kerjaannye duduk ajeh di depan komputer. ngitung sono, ngitung sini, ape2 nyang di suplai gas nye buat produksi Pupuk Kaltim. Ajib ajeh bawaannye!
Pernah satu saat, hasil ngecheck kolesterol doi bagus, dibawah ukuran 150, kolesterol total katenye. Ame dokter internistnye doi diminta kagak minum obat, cuman diminta tetep dalam gaya hidup sama kayak bulan sebelonnye. Ternyata kagak taunye, hasil sebulan kemudian, setelah di check lagi entu kolesterol, buju buneng! Hasilnye Rudi ampun2 dah, ukuran 229 kolesterol total! Terpakse doi dikasih bo’at cholestat lagi deh buat sebulan.
Kalo dipikir2 ame Bang Naip, entu Rudi hebat juga nech. Bisa nyeritain detail kondisi kesehatan doi. Tapinye kagak nyeritain usaha2 doi pegimane supaya kesehatannya tetep kejaga. Eman, orang entu kepengennye enak ajeh. Giliran kesehatan keganggu karena gaya hidup atawa karena makanan, bukannye gaya hidup ato makannye nyang dirubah, tapi minta obatnye ame dokter. Bang Naip kagak abis pikir nech!
Menurut Rudi sekarang ini doi mengkonsumsi bo’at sebangse Amaryl buat pagi2 sebelon sarapan. Trus abis sarapan doi minum obat Glucophage ame Amdixal. Nanti setiap abis makan siang ame makan malem, doi minum Glucophage lagi. Kalo malem minumnye tambah Irvask ame Cholestat. Katenye sih, Amaryl ame Glucophage buat diabetesnye doi. Kalo Irvask ame Amdixal buat nurunin tensinye doi. Irvask katenye bagus juga buat kerja sel ginjal. Cholestat buat nurunin kolesterol.
Naaa ajib ajeh ini ceritanye si Rudi!

(BERSAMBUNG)


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: