Oleh: naive7 | 10 Maret 2011

Rudiansyah (4)

Emang kalo udeh nyang namenye persahabatan, biar kate udeh kagak sekota lagi, tetep ajeh saling kontak berhubungan. Entu nyang terjadi pade hubungan pertemanan antara Bang Naip ame Rudiansyah alias Rudi. Sekarang Rudi udeh balik ke kotanye doi, di Bontang, ke tempat kerjanye doi lagi di pertagas pertamina Bontang. Sebagai gas transporter buat Pupuk Kaltim Bontang. Rudi entu senior process engineer di Pertagas Bontang.
Biar kate kagak sekota ame Bang Naip, Rudi masih sering kirim email ame Bang Naip. Ceritenye macem2, dari curhat kesehatannye sampe ke cerita karirnye Rudi nyang lagi mandeg di anak perusahaan Pertamina entu.
Intisari emailnye Rudi kire2 kayak begini: nyang pertama tentang kesehatannye doi. Dicerita sebelon2nye, kondisi kesehatan Rudi cukup kritis buat orang nyang seumuran doi. Dari lifestyle nyang kagak terkontrol, doi entu males olahraga, perokok berat, makan sembarangan, body overweight, kerjaan kurang bergerak, en laen2 perilaku nyang membuat doi kurang bugar.
Jadilah berbagai gangguan kesehatan nyamperin doi, dari diabetes, hypercholesterol, hypertensi. Gangguan entu sampe pada cerita Rudi ketemu Bang Naip di Jakarta kemaren. Naa dari cerita emailnye Rudi, sepulangnye dari Jakarta, Rudi meriksain dirinye ke Rumah Sakit Pupuk Kaltim buat Medical Check Up rutin, atawa istilahnye doi, CKB (Cek Kesehatan Berkala) tahunan. Ternyate hasilnye lebih kagak keruan lagi. Selain gangguan nyang udeh disebutin tadi, ditambah lagi asam uratnye doi cukup tinggi diatas ambang normal, ukuran 7.9 dari maksimum angka 7. Mulai dah Rudi konsultasi ame dokter internist nye doi nyang baek hati.
Singkat cerite, Rudi dikasih obat macem2 lagi dah. Ada glucophage buat diabetesnye doi. Ada irvask buat nurunin tensi doi plus bagus buat metabolisme ginjal supaya bersih, entu kate dokternye. Trus, ada amaryl nyang diminum 5 menit sebelon sarapan pagi, gunanye buat menstabilkan gula darahnya doi sebelon kemasukan makanan. Ada amdixal buat nurunin tensi Rudi juga. Kalo buat nurunin asam uratnye doi, dikasih puricemia. Naa…kalo buat kolesterolnye, lipitor.
Begitulah si Rudi nyeritain via emailnye. Hati2 ajeh entu ginjal kalo kebanyakan bo’at. Yoi dah, Rudi, semoga ente tetep sehat wal afiat ajeh ye, en kite masih bisa silaturrahim en jalan bareng lagi. Nyang penting hepi2 ajeh dah! Amiin.


Responses

  1. i like it Rudiansyah (4) « simple "Betawi" Blogger now im your rss reader

  2. naive7.wordpress.com is my favorite site now !

  3. naive7.wordpress.com is very interesting !

  4. naive7.wordpress.com is full of interesting posts!


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: