Oleh: naive7 | 30 November 2011

All That Jazz (2)

courtesy wwwDOTcartoonstockDOTcom

Seperti di cerite nyang judulnye sama di seri sebelonnye, Bang Naip sedari kecil penggemar berat musik JAZZ. Gara2 nye dicekokin ame abangnye doi kaset musik instrumen nye trio Dave Brubeck, Paul Desmond en Dizzy Gillespie. Trio jadul JAZZ berat! Lagu nyang paling sering diputer judulnye “Take Five.” Item lagu nyang sampe sekarang jadi lagu wajibnye musisi JAZZ ato biase disebut JAZZer. Sama kayak lagu “Take The A Train” nyang dulu suka dimainin Duke Ellington Orchestra en Benny Goodman Orchestra. JAZZ mania nye Bang Naip jadi keterusan ampe sekarang.

courtesy cartoonstockDOTcom

Sebenernye musik JAZZ entu bisa melatih seseorang buat disiplin dalam segale hal. Ini sama ame para JAZZer melatih kedisiplinan, berimprovisasi dalam bermusik tapi tetap sesuai pakem lagu entu sendiri. Begitu juga tentang kreatifitas, analog ame para JAZZer entu harus berkreasi setiap tampil supaye lagu2 nyang dibawain, baek entu instrumen ato pake vokal penyanyi, menampilkan improvisasi musik JAZZ nyang berbeda di setiap penampilan doi. Kata kuncinye buat para JAZZer jadinye Disiplin en Kreatif. Termasuk disiplin berlatih musik pake alat musik nyang dikuasain, trus kreatif mencari nada2 harmonis supaya bisa ber-improve di setiap tampilannye dalam bermusik.
Alhasil di waktu2 belakangan ini, Bang Naip kagak punye waktu lagi spesial ngedengerin musik JAZZ kedoyanannye. Pagi ampe malam doi ngiderin Jakarta sebagai driver Silver Bird nyang jadi kebanggaannye doi. Malam pulang kerja udeh giliran buat keluarganye en istirahat dah!

courtesy toonpoolDOTcom

Nyang jadi aneh bin ajaib, tetangge2 nye Bang Naip, entah ketularan, ato emang dari sononye, sama2 penggemar berat JAZZ juga. Cuman genre nye beda2. Ade nyang suka JAZZ bossanova, ada nyang doyan pop JAZZy, ada juga demen ame latin JAZZ. Nyang udeh tua tapi doyan ame JAZZ fusion ato rock’n JAZZ juga ada.

courtesy myspaceDOTcom

Kite sebut ajeh Bang Wiskul nyang supir “super” bajaj entu. Doi kedoyanannye lagu2 JAZZ era 50an ampe 60an tuh. Bangsenye nyang ngetop waktu entu Duke Ellington, Frank Sinatra, Nat King Cole, Louis Armstrong, Ella Fitzgerald, Benny Goodman, Brubeck & Desmond, Charlie Parker, dan seterusnye dah. Rumah kontrakannye Bang Wiskul beda 5 rumah ame Bang Naip di gang nyang sama di Kampung Melayu, Tebet. Kalo bang wiskul lagi pusing, doi narik bajaj sambil bawa tape compo bututnye buat nyetel lagu2 JAZZ kedemenannye entu di jalanan.

courtessy jimmycobbDOTnet


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: