Oleh: naive7 | 25 Maret 2012

Diary Coffee: Kapal Api bungkus Silver and Frisian Flag Gold

Di minggu terakhir bulan April taon 2012 nech….. Sebelon ngebedah kuliner minuman kopi susu ini, Bang Naip nyiapin musik JAZZ pengiring dulu. Biar lebih syahdu asoy geboy gituh dahhhh…. Nyang dibawain oleh Jaared, judul lagunye Piccadilly Circus. Jaared entu orang amrik nyang disebut-sebut virtuoso (ahli memainkan alat musik) spesialis alat tiup saxophone dari jenis alto, tenor, soprano. Sekarang umurnye 42 taon (taon 2012), secara doi lahir taon 1967. Entar dech disuatu kesempatan nyang laen, Bang Naip mao ngebahas si brewokan Jaared ini. Entu lagu Bang Naip dapet dari internet, dari jazzradio.com pade pilihannye genre smooth-up tempo.

Okay, kopi susu ini racikan Bang Naip sendiri. Komposisinye juga hasil uji coba ngedasarin citarasa sendiri. Sebenernye soal rasa, entu khan soal pribadi ye. Tapi, ape boleh buat dah… Kali ini kudu diceritain Bang Naip buat ente2 pade dech.

Sampling nyang sekarang diambil dari kopi kapal api biasa. Bungkusnye berwarna putih mengkilap silver, kayak aluminium foil tuh. Kalo SKM atawa Susu Kentel Manis nye diambil dari merk frisian flag type gold, nyang bentuknye kayak botol dari bahan plastik refill en kemasannye berwarna keemasan. Kayaknye jenis susu full cream.

Biar asli kopi tubruk susu, kagak dicampur gula lagi dah. Bener2 campuran bubuk kopi nyang diseduh air panas. Trus ditambahin adukan susu kentel manis.

Komposisi awal pake wahana nyang bisa menampung larutan kopi dalem skala nyang gede. Dipilih cangkir mug nyang gede. Kira2 kalo diisi ame air panas 85 derajat celcius dari kran hot water dispenser, keisi 350 CC. Try out nyang pertame pake 1,5 kali ukuran sendok makan penuh bubuk kopi kapal api special. Ditaroh di mug entu bubuk, trus dituang air panas 350 CC bersuhu 85 derajat celcius. Sambil diaduk, sambil dituang susus kentel manis full cream dari frisian flag, atawa orang2 bilang cap bendera berukuran 2 sendok makan penuh. Naaahh…. pengadukan selesai, tiba waktunye icip2.

Jam 11.38 mulai dech hirupan seteguk nyang pertame. Kerasa banget kopinye nendang. Sementare, tekstur permukaan air kopinye entu, warna coklat tua berasa campuran kopi ame susu. Di pinggiran permukaan cairan di sekeliling bagian mug dalem, serbuk kopi tubruk nempel semua sisa hasil adukan sendok.

Jam 11.38

Kalo susunye berasa timbul secara moderat. Komposisi susu mah, udah pas. Kompossi bubuk kopi kayaknye rada kebanyakan. Ada unsur pahitnye. Aromanye ajeh nyang muncul cuman aroma khas kopi. Aroma susunye tenggelam. Kesimpulan sementare, takeran kopi kudu dikurangin. Rasanye kalo airnye 350 CC, takeran kopi kapal api cukup 1 sendok makan ajeh.

Sampe jam 14.00 penampakan larutannye masih oke. Begitu juga rasa en aromanye masih sama kayak masih panas2. Padahal udeh 2 jam 22 menitan tuh. Secara tekstur, ampas kopinye masih nyisa didasar cangkir.

Jam 11.38

Tryout nyang ke 2, komposisi di “scale down” setengahnye berdasarkan kesimpulan sementare tadi. Jadi perbandingan bubuk kopi kapal api ame susu kentel nye: 0.5 X (1K:3S:350CC). Alias setengah dari 1 sdm (sendok makan) Kopi, setengah dari 3 sdm Susu kentel en setengah dari 350 CC air panas = 0.5 sdm kopi, 1.5 sdm susu en 175 CC air panas.

Soal rasanye ternyate pas ame kesan kopi tubruk susu. Aromanye juga okay, kopi nendang, susu timbul sedikit. Rasa khas kopi begitu

Jam 14.00

larut di mulut, kecampur ame creamy susu kentel sebagai pemanis juga. Dari sisi kopi kapal apinye emang udeh dari sononye kayaknye si produsen nyetel ala kopi tubruk gituh. Kalo diaduk, nyisain serbuk kopi di pinggiran permukaan air nyang nempel di cangkir.

Dari sisi skm nye, biar kate jenis full cream, trus katenye ditambah susu sapi seger en 9 vitamin ame 5 mineral. Trus diawasin ame perusahaan pusatnye di Belande. Tapi berkat pengalaman “cap bendera” atawa frisian flag puluhan taon,

Jam 14.00

waktu diteguk masuk ke perut, kagak berasa kembung atawa kagak ngenyangin gituh. Berasa creamy nye susu kentel cuman ada di mulut doang.

Jadi sech, okay2 ajah tuh…… Terutama juga buat coffee-mania nyang doyan ngutak-ngatik menu minum kopinye. Bisa dech dicoba sekali2.

Okay dehhh…..


Responses

  1. Mantebb….kopi susu juga kesukaan aye Bang!

  2. Bedah Kuliner: Kopi Susu (1) | NAIP Blogger……anak Betawi


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: