Oleh: naive7 | 20 Januari 2013

Kuliner di Bandung – Karnivor (2) Tamat

Ini cerite lanjutan dari serial nyang ke 1. Kali ini penjelajahan kuliner malem di Bandung. Nyang mau ditinjau pertama buat kuliner di Bandung nech, rumah makan nyang namanye Karnivor. Secara baru Jumat kemaren tanggal 28 September 2012 peninjauan dijalanin. Entu resto punye tag line atawa semacem jargon “let’s meet our meat,” trus doi punya interior dibikin kayak “antique western country style.” Yaaa…rada-rada underground dahhhh!!!

DESK MINI POSTER

Kembali ke foto-foto desain sebelonnye, suasananye dibikin remang-remang kayak suasana hutan tropis nyang cuman ada lampu-lampu petromak ame obor di tiap sudut tapi mancarin cahaya nyang rada teduh ame romantis deh.
Area makannye dibagi outdoor dan indoor. Nyang outdoor, disudut2nye ada bangku-bangku ame meja dari kayu dolken sebagai bahan utamanye nyang didesain kayak kite lagi duduk2 di kayu-kayu hutan nyang dipotong-potong. Disebut kayu bahbir (kayu sisa pemotongan).

OVERVIEW

Dulu ada bar ala country bar lengkap ame pajangan botol-botol minuman alkohol, kepala menjangan trus pajangan kepala suku Apache. Kalo indoornye ampir mirip ame outdoor, cuman kalo dulu ada tambahan hiasan taneman bambu rambat ditiap dindingnye. Dulu bersuasana country village di tengah hutan nyang alami. Kalo sekarang udeh kagak ada lagi entu hiasan bambu rambat. Tapi diganti ame suasana underground pondokan ditengah hutan.
Balik lagi ke cerita menu, ada menu monster, nyang adanye cuman di Sabtu ame Minggu doang. Ada monster steak, meat tower, monster ribs, kambing guling kebab. Nyang seru sih Meat Tower.
Meat tower entu burger ame isi daging 1 kilogram!! Entu burger punya tinggi kurang lebih 30 cm. Isinye daging segede 1 kilogram nyang dibagi jadi 5 bagian. Masing-masing bagian beratnye 200 gram. Jadi kayak burger menara daging di dalemnye!!! Disajiinnye juga beda en unik lah, burger ditaroh didasar bahan kayu sekitar tebel 5 cm. Dipinggirannye dikasih api supaya tetep anget nyampe ke meja pengordernye.
Dari sisi rasa, burger ini kagak kalah ame burger dari resto top laen. Tiap lembaran daging dikasih potongan lettuce, bawang bombay, tomat en saus BBQ nyang mantep. Meat tower jadi menu sharing andelannye Karnivor dah. Bisa diembat dimakan rame2.
Kembali ke nge-test menunye. Sirloin steak nyang ditampilin ame saos handmade by Karnivor. Tekstur daging mah, empuk be’eng trus aroma khas barbeque ditambah saos Karnivor nyang kaya rasa campuran tomat en cabe. Ada nyang bilang saosnye rada-rada asem, biasanye bagi nyang suka pedes2 gituh. Kayaknye ditambahin merica bubuk nyang banyak jadi lumayan pedes dahh.
Terus . Kenyel2 ame kinyis2 dagingnya empuk banget dan saos lada itemnye juga nendang banget! Walau, ade sebagian nyang bilang kurang pedes….wadddooohhh.
Ada lagi makanan ringan seperti salad, kentang goreng dan bambu Afrika.

TEH TAWAR HANGAT CANGKIR GEDE

Minumannye juga macem2 dari teh, kopi, softdrink sampe nyang khasnye Gorilla Punch, entu tuh kombinasi sunqist ame soda. Buat penyeger suasane, nyang enak diminum ditengah2 nyantap nikmat kite, minuman nyang dicampur dari soda jeruk dilengkapin ame biji selasih en potongan sunkist dalam porsi gede. Iye porsi gede, disiapin dalem teko kaca gede, jadi bisa buat sharing rame2 ber 3 atawa ber 4 kali ya. Rasanye manis asem pedes soda tuh. Bikin ati gumbira ajeh dah bawaannye.

HEALTHY JUICE

Ada juga Healthy Juice…nyang ini nech blenderan sayur fatchoi, nanas ame lemon. Rasanya manis alami en asem lemon agak2 ada unsur rasa sayur nyang bikin asoy gituh. Kagak pahit. Kelebihan minuman jus ini resto, doi kalo bikin jus kagak pake tambahan gula atawa susu kentel manis gituh. Jadi rasanya alami, kalo manis atawa asem, emang manis atawa asem dari buah atawa sayuran campurannye gituh. Begitu juga jus2 laennye kayak jus strawberry,

JUS STRAWBERRY

jus tomat dll.

JUS TOMAT

Tampak depan Resto Karnivor nyang berlokasi di Jln. Riau No. 127, Bandung.

PINTU MASUK

Balik lagi ke cerita arsitektur en interir desainnye Karnivor. Resto nyang terletak di Jalan Riau nomor 127 Bandung ini nawarin inovasi nyang unik, mengusung konsep Jungle in The Town. Karnivor beroperasi mulai jam 17.00 WIB setiap arinye en nawarin suasana hutan banget.

INTERIOR

Keliatan dari furniture en tatanan resto nyang didominasi unsur kayu ame tumbuhan ijo nyang bikin suasana kayak dihutan nyang teduh en rindang, boo.
Kesimpulannye resto ini nyajiin menu-menu andalan berbahan dasar daging ame sebagian besar pake porsi gede. Makanannye cita rasa khas western en middle east. Lagu-lagu bertemakan wild jungle diputerin buat backsound nemenin kite makan.
Have a good time yee.
(The End)


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: