Oleh: naive7 | 23 Januari 2013

Kuliner Betawi (2)

Cerite kuliner dari Betawi, kagak bisa dipisahin ame keberadaan Jakarta Fair nyang sekarang namenye jadi PRJ. Apelagi kalo kite ngedatengin PRJ 2012 nyang di bulan Juni – Juli 2012 tempo ari.
Sebetulnya belon mulai langka sih, tapinye udeh mulai rada berserakan tempat ngejual entu kuliner Betawi kalo di Jakarta. Naaahh di PRJ entu deh bisa kesempetan icip-icip kuliner Betawi dalam satu wilayah, gituh.

courtesy aafahmiDOTmultiplyDOTcom

Berbagai stand nyang spesial ngadain kuliner khas Betawi di PRJ banyak banget. Pan PRJ dalem rangka HUT DKI Jakarta juga. Cucok dahhh.
Ada satu stand kepunyaan Lembaga Kebudayaan Betawi. Macem2 makanan khas Betawi bisa ditemuin disini. Lokasinye entu di halaman sebelah utare Hall D, PRJ. Rame dahh….kagak kepo gitu dahhhh!!
Kita bisa nyicipin kuliner Betawi kayak kerak telor, bir pletok, dodol Betawi, sampe telor kembang goyang. Ada juga dijual tahu goreng Betawi nyang hargenye Rp 15 ribu per porsi. Nasi ulam Rp 25 ribu, bubur ase Rp 15 ribu ame laksa Rp 20 ribu per porsi. Kalo dodol Betawi Rp 20 ribu, trus bir pletok Rp 25 ribu per botol.
Di sekitar entu stand bisa ditemuin juga makanan khas kayak kue bangkit, telor goyang, akar kelapa, rengginang, nyang di jual di kisaran harge Rp 15 ribu saja.

courtesy roemsspeedDOTwordpressDOTcom

Emang sih, kalo bukan di PRJ, suseh juga nyari en bisa nyicipin nasi ulam atawa akar kelapa. Bisa2 abis seharian ngider nyari makanan2 entu ajeh.
Kalo abang2 pikulan nyang jual kerak telor banyak juga nyang ikut ngeramein PRJ 2012. Kalo kita perhatiin banyaknye tersebar di kawasan Gambir Expo en di sekitar Hall E Area PRJ Kemayoran.
Penyelenggara PRJ bilang, taon ini penyelenggara PRJ nempatin sebanyak 35 titik pedagang kerak telor nyang dikoordinir Pemprov DKI Jakarta. Entu para pedagang jualannye juga bergantian. Biar rada merata dah diantara para pedagang entu.
Kalo ditampung semua udeh kagak mungkin ajeh. Jadi diatur mereka bergantian en ada nyang sebagian juga boleh jualan di luar arena PRJ biar pada tertib gituh deh.
Kerak telor nyang dijual di dalam Arena PRJ ini dipatok pada kisaran harge nyang sangat terjangkau ame kantong kebanyakan orang. Kerak telor nyang berbahan telor ayam dijual Rp 15 ribu, en kerak telor yang berbahan telor bebek dijual seharge Rp 20 ribu.
Mari deh…kite tungguin PRJ nyang berikutnye.


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: