Oleh: naive7 | 25 Januari 2013

Obrolan Tetangge – Tausiyah Ustadz Bulan Romadhon

Ini cerite obrolan tetangge aye disekitaran rumah aye di daerah Kampung Melayu Besar. Waktunye hari entu hari Jum’at 27 Agustus 2010 atawa hari ke 17 Ramadhan malam. Abis terawehan kagak sengaje ngumpul lagi para ‘pejuang’ RT 008 Kampung Melayu Besar di kawasan Tebet entu… deeeeuuu mentang2 abis 17an Agustus…pejuang dari mane Cing! Dari Hongkong, kalleee…
Nyang pertama pulang dari terawehan di Attahiriyah, Bang Wiskul, masih pake sarung ame pici nye nyang motif Aceh. Pas doi lewatin pos ronda, ada si Mamat lagi manyun maen gitar akustik nyang udeh somplak di bagian buletan entu gitar. Naaa… reunion lagi dah kedua makhluk entu. Kagak berape lama, nongol juga pak Yuliansyah pake pici haji pulang dari terawehan juga.
Seperti biasenye orang kangen2an, banyak basa basi, nyang emang basi!!…eits! hahaha… pade bertegur sapa deh. Obrolan mulai ngalor ngidul wetan kulon dah! Cuplikannye kire2 kayak begini:
Bang Wiskul (W): “Mat, pegimane kabar elo, lama kagak keliatan ada obyekan apa lagi elo nech…”
Mamat (M): “Oh ane lagi bantu2 Mas Irfan, Bang… di daerah Bintaro… Biase, ngobyek serabutan nyang ane bisa ajeh Bang”
Pak Yuliansyah (Y): “Iya nih, Bang Wiskul sendiri kemane aja nih”
W: “Wah kalo aye pak, biasa laah, nyangkul ngejar setoran buat lebaran khan…hehehe…”
Y: “Oh begitu, bagus tuh, rejeki nyang barokah kalo di bulan puase yah. Ngomong2 ini pak polisi lagi pade siaga 1 nech, gara2 ada razia senjata api. Pan lagi rame nech, perampokan sadis pake senjata api sampe korbannye tewas loh.”
M: “Ho’oh pak Yul. Mamat juga baca berita en browsing internet, pada serem2 sekarang modus operasinye ye. Kampung kite ini kudu diidupin lagi nech siskamling nye, apelagi jelang lebaran ini, banyak nyang mati akal, ngambil jalan pintas buat ngidupin anak bininye, barangkali!”
W: “Boleh juga pikiran elo Mat, kagak secetek nyang gue sangke!….hahaha,” Bang Wiskul trus ambil rokok kereteknye dari kantong baju kokonye.
M: “Mulai deh si Abang nech ngejatohin Mamat lagi dech”
Y: “Wah kamu Mat, baru aja seujung kata dari Bang Wiskul, udah sensi aja nech. Anak muda harus tahan banting dunk!!” Ngomong begitu, Pak Yul sambil benerin peci haji nye nyang mau ngeglosor jatoh.
W: “Bener Mat, ape kate pak Yul, ente kudu dengerin…hahaha…”
M: “Yaah udah dech, Mamat diem aje dech mendingan nech…,” sambil ngehirup kupi item nye dari cangkir. Kagak tau dapet darimane doi bikin kupinye entu.
Obrolan beralih ke cerita laen:
Y: “Eh elu pade, di bulan romadon ini pan sering banget ustadz2 pade ngasih tausiyah. Di tipi2, dari sahur sampe malam, belon lagi yang di masjid2 sebelon tarawehan”
W: “Iye pak Yul, bener tuh, emang kenape Pak”
Y: “Banyak hikmah nyang kite dapet dari tausiyah ustadz2 entu.”
M: “Misalnye ape entu, pak Yul”
Y: “Misalnye beberapa hari yang lalu, saya dengar tausiyah sebelum terawehan dari ustadz yang juga dosen ITB dari Bandung. Salah satunya katanya, supaya kita bisa khusyuk dalam sholat, kalau lagi sholat itu kita jangan berpikir dan jangan mengingat2 sesuatu lagi. Melainkan kita lepas, bebas, ikhlas dalam pikiran kita untuk menghadap Allah SWT. Jauhkan dari keinginan untuk berpikir sesuatu. Jauhkan dari keinginan ingat2 sesuatu. Insya Allah sholat kita selalu khusyuk.”
W: “Amiin pak Yul. Mudah2an ya Pak. Trus nyang laen ade lagi Pak”
Y: “Naaa, ada lagi dari ustadz nyang lain. Ini tentang mencintai pasangan kita. Ini berlaku juga buat si Mamat nih nyang masih bujangan, untuk cari pasangan yang bakal dicintai. Treatment kita mencintai pasangan kita, jangan hanya melihat keunggulan2 dari pasangan kita, yang memang menjadi daya tarik kenapa kita mencintainya, tapi juga berupaya membuat matching kekurangan2 pasangan kita. Niscaya cinta kita kagak luntur ame pasangan kita noch. Pegimane Bang Wiskul”
W: “Hmmm, bener juga yeh.”
Berhubung malam makin larut, supaya sahur kagak pade belingsatan ketelatan, para ‘pejuang’ ini sepakat mengakhiri obrolan nye. Harapannye mah, besok2 bisa ngumpul2 lagi buat saling tuker2an info sambil bersilaturahmi. Saling bersalaman deh entu para ‘pejuang’ sebelon pulang ke rumahnye masing2. Semoga ajeh kite selalu sehat2 n bisa saling silaturrahim lagi. Amiin Ya Robb.


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: