Oleh: naive7 | 5 Agustus 2013

H-4 Lebaran 2013 di Samarinda – Rudiansyah (7)

Bang Naip terima lagi email dari Rudiansyah atawa Bang Rudi nyang tinggal di Bontang, Kaltim. Isinye kurang lebih kayak gini:
Apa kabar Bang Naip…. Semoga kabar baik di Jakarta jelang lebaran ini. Ini kisah episode dari saya buat Bang Naip, en bisa diupload buat cerita di blognya Bang Naip. (Diolah lagi oleh Bang Naip jadi cerita ala betawi – RED) Minggu, 4 Agustus 2013. Bang Rudi malam hari ini balik ke Bontang. Sejak Jum’at malam 2 Agustus 2013 kemaren seperti biasa, doi sekeluarga jalan2 ngerasain romadhon di Samarinda. Secara, ini weekend terakhir di bulan romadhon 2013 jelang minggu depannye lebaran.

RMDN1

(courtesy @arobi-baeDOTblogspotDOTcom)

Seperti biasanye, kayak jadi tradisi jelang lebaran, orang2… bisa jadi di seluruh Indonesia, nyang bisa direpresentasiin di Samarinda, sebagai ibukota Kaltim, orang2 pade ngerubungin mal2, pusat perbelanjaan, toko2 baju atawa fashion, segala2nye dahh!!
Bukannye pada beribadah di masjid atawa di rumah, bagi nyang muslim…. malahan pade ngerubungin mal atawa toko2 baju/fashion. Ini demi tampil di lebaran nanti, segale perlengkapan buat fashion keluarga dibeli dahh.
Fenomena ini bisa dilihat Bang Rudi di Samarinda, waktu Sabtu malem 3 Agustus 13, doi jalan2 ke mal SCP (Samarinda Central Plaza). Parkirnye nyang ngider2 sampe lantai 7 di dalem bangunan nyang menyatu ame mal, termasuk jadi parkiran hotel Aston ame hotel Borneo Swiss Bel… Masya Allah, ngantrinye… Kudu cari2an dengan “seksama” en ditungguin dulu… baru dapet parkiran deh. Ini berlaku buat parkir motor atawa parkir mobil.
Bicara tentang parkiran, di Minggu siang 4 Agustus 13 entu, Bang Rudi juga jalan2 ke mal Lembuswana, nahhh…. disini lebih parah… kite diminta stop dulu, pake dicegat dipintu masuk parkiran. Berhubung area parkir dalam mal udeh padat merayap… hehehe…. Jadinye Bang Rudi ngantri ame para pengunjung laen yang masih dikendaraannye masing2. Nungguin. Kalo udeh ada mobil/motor nyang keluar area mal. Disitu kesabaran puasa kite diuji. Nyang antri dibelakang2 Bang Rudi, sebagian ada nyang kagak sabaran, keluar antrian en pergi ke tempat nyang lain.
Ada cerita dari bininye Bang Rudi, temennye sekeluarga kejebak ngantri kayak gini, kemaren2. Berhubung kagak sabar antri, orang entu akhirnye parkir kendaraannye di area mal diseberang mal lembuswana entu. Nama mal nye Samarinda Square. Mal entu diseberang mal lembuswana, kire2 bergeser sekitar 300 meteran dah lebih jauh. Bisa dibayangin, temen bininye Bang Rudi, turun dari kendaraannye jalan kaki menuju mal lembuswana buat ngebela2in jalan2 ke mal entu sekeluarga……
Udeh gitu, pas Bang Rudi minggu malem balik ke Bontang, di daerah Samarinda pinggiran, arah ke Bontang, ada perumahan gede Citraland dari grup Ciputra. Mereka bangun pusat perbelanjaan di seberang komplek perumahannye entu. Mal nyang namanye Citraland Town Square entu masih dalam tahap pembangunan, tapi udeh ada toko2 di area mal entu nyang dibuka oleh Citraland udah lama. Salah satunye toko nyang gede disitu namanye toko Bazaar. Toko pakaian en fashion gitu deh. Waktu entu toko peresmian dibuka, Citraland sampe ngundang hiburannye Sule en tokoh OVJ lainnye tampil disitu. Macetnye pas Bang Rudi lewat, bukan main…. maklum warga Samarinda tumplek bleg disitu, waktu entu…..sampe ngebludak ke jalan rayanye….
Kali ini jelang lebaran ini, nyang ngebludak entu parkir motornye, buju buneng… banyak banget nyang parkir, emang cukup tertib teratur, tapi sampe hampir nutup jalan raya didepan toko bazaar entu…. wouwww…..
Belon lagi kalo Bang Rudi perhatiin orang2 pengunjung mal atawa toko baju entu. Kebanyakan ibu2 ngebawa anak2nye, kayak kalap gitu belanja baju atawa pernik2 buat lebaran. Jumlahnye berjubel….bejibun banget sampe sesak sakkkk entu mal. Kite kagak bisa lewat selega2nye deh.
Entu dia fenomena nyang jadi tradisi jelang lebaran di Indonesia. Jadiin ajeh ragam corak masyarakat di negara kite tercinte ini yee……


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: