Oleh: naive7 | 8 November 2010

Sate Ondomohen Dilumuri Kelapa

courtesy bprasDOTcom

Pade satu hari Bang Naip dikirim ame perusahaannye ke Surabaya. Entu maksudnye supaye Bang Naip bikin pertemuan di kantor cabang perusahaannye di Jawa Timur. Pertemuan ame temen2 seperjuangannye, ame karyawan nyang ada di Surabaya.
Pade satu malam Bang Naip diajakin ame temen2nye nyang karyawan arek suroboyo tadi buat wisata kuliner malam. Karena lagi kepengen sate, judulnye Bang Naip ketemunye sate unik.
Jadi, bukan sate sembarang sate. Tapi sate dari daging sampi nyang dibumbuin en dilumurin semacem srundeng. Srundeng entu dibikin dari parutan kelapa nyang dibumbuin en disangrai. Seudehnye entu, daging sampi ditusukin ke lidi sate. Abis entu srundeng dilumurin ke sate, baru trus di bakar diatas arang bathok kelapa sampe mateng. Sate kelopo, kalo kate wong suroboyo sini. Sate kelapa, maksudnye.

courtesy maedapurDOTblogspotDOTcom


Rasa satenye rada2 lain dari biasenye, unik gitu. Makannye bisa pake nasi ato pake lontong nyang dibubuhin bubuk srundeng kelapa juga. Trus, bumbunye bisa bumbu kecap ala semarang atawa bumbu kacang ala madura. Lagi2 kedua macem bumbu entu dikasih sentuhan rasa sangrai kelapa. Trus dikasih irisan bawang merah ame cabe rawit mentah gitu.

COURTESY gapheberceritaDOTblogspotDOTcom 1


Kalo kite mesen entu sate, kite ditawarin 2 opsi, mau per tusuk daging campur gajih, gajih entu lemaknye daging sapi, ato mau daging semuenye.
Konon nyang namenye Bu Asih, nyang sekarang jadi empunye entu warung sate, dapet menu lisensi turun menurun dari generasi doi sebelonnye, mangkenye entu warung diklaim buka sejak tahun 45. Wuuuihh…pas proklamasi kemerdekaan dong!

COURTESY petitenoteDOTblogspotDOTcom


Lokasinye di Jalan Wali Kota Mustajab No. 35 Surabaya, kayak nyang tertulis di spanduk entu warung. Namanye Sate Klopo Ondomohen. Kalo Ondomohen entu nama jalanannye sebelon jadi Jalan Wali Kota Mustajab.
Di Jalan Wali Kota Mustajab ini emang basis nyang ngejual sate klopo nyang jadi salah satu makanan khas di Suroboyo. Bederet2 nyang buka warung sate klopo, tapi emang nyang paling rame ya Sate Klopo Bu Asih Ondomohen ini.

courtesy chapuccinoDOTfilesDOTwordpressDOTcom 2


Kalo versi bang naip mah, rasenye biase2 ajeh, cuman karena dikasih sentuhan serba kelapa, entu jadi berase unik. Nah rasa uniknye ini nyang ngebuat nilai plus. Rasa sate ya bisa dibilang unik, cuma rada2 kurang bumbu gitu ye.

courtesy exploresurabayaDOTcom


Ada info ke bang naip selain bu Asih ade juga nyang terkenal yaitu sate klopo ondomohen pojok malam. Nyang adenye tepat di seberang sate klopo bu asih entu, di pojok gang Ondomohen Magersari. Nah kate temennye bang naip sih, rasa sate klopo ini lebih mantap, kalo ditinjau dari sisi daging satenye en bumbu kacangnye nyang pas….. Kalo entu restoran padang, barangkali namenye “berani bumbu”…..

courtesy bprasDOTcom 1


Selaen di Jalan Wali Kota Mustajab ini, di pasar Genteng banyak juga nyang jualan sate klopo entu. Boleh jadi, kalo ada jodoh ada rejeki lagi, bang naip berkesempetan kesono lagi nyobain sate klopo nyang laen. Amiin.


Responses

  1. Ciiee bang naip lg k surabaya nih. Jngn lupa oleh2 dunk. Sate kelapa? Boljug nih. Sampe ktemuan bang.

  2. bang naip, ondomohen entu emang top markotop tempat jualan sate kelapa yee…..

  3. sate kelapa mah mantap, gan….!!


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: