Rudiansyah (2)

Ini cerita dari sambungan episode 1, dimane Bang Naip nganterin Rudi ke seantero Jakarta pake Silver Birdnye. Kali ini pas lagi ngelewatin jalan tol Jagorawi abis dari daerah Bogor.
Hari entu pas lagi ujan lebat mengguyur Jakarta. Rudi mulai ngantuk2 sementare Bang Naip tetep sigap nyupir di antrian mau keluar gerbang tol. Tiba2 Rudi cerita tentang karir doi di kantor.
Sebagai insinyur senior di Pertagas (anak perusahaan Pertamina nyang di bidang transporter pipa gas antara lain di Bontang), doi merasa disisihkan ame perusahaannye.
Apelagi banyak direkrut tenaga2 baru sarjana, termasuk insinyur2 baru.
Sementare, kalo loyalitas Rudi ame perusahaannye udeh kagak diraguin lagi dah! Entu menurut cerite Rudi.
Bang Naip sebagai pendengar nyang baik kalo ada customernye curhat, diam ajeh. Berdasarkan pengalaman Bang Naip, kalo orang udeh curhat, kitenye diam ajeh, maka sebagian problem orang nyang curhat udah mulai terlepas. Begitu prinsip Bang Naip.
Rudi nyambung lagi “curhat” nye, berhubung boss nye doi lebih muda dari doi, perasaan Rudi entu si boss kurang suka kalo Rudi lebih terkenal dari si boss. Atawa Rudi lebih terampil dalam hal manajerial dibanding si boss, naaa…. si boss kurang suka tuh. Pokoknya nyang paling jago si boss dah, seharusnye. Kesimpulannye Rudi, hubungan atasan ame bawahan di struktur organisasinye doi kurang begitu mesra, ibaratnye.
Entu cerite tentang karir Rudiansyah, orang Banjar Samarinda nyang terdampar di Bontang en ketemuan Bang Naip di Kampung Melayu, pas lagi dinas di Jakarta!

(BERSAMBUNG)