Oleh: naive7 | 20 Januari 2013

Diary Coffee: Fresco Kopi Krim Susu Kapal Api sachet

Sebelon ngebedah ini kupi susu sachet, kite coba diiringin ame musik JAZZ dari http://www.jazzradio.com/smoothuptempo nyang pade saat ini lagi muterin lagunye JAZZer amrik Peter White, gitaris akustik JAZZ, berjudul Long Ride Home dari album doi “Caravan Of Dreams” produksi taon 1996.

sachet

Sambil musik JAZZ instruments mengalun, naaah kite mulai dah pembedahan kupi susu dari sachet nyang bermerk Fresco kopi krim susu dari variant kopi Kapal Api. Di bungkus sachetnye ade tulisan “fresh coffee Arabica & Robusta. Wahh…harepannye sih, kupi susu buatan PT Santos Jaya Abadi ini manteb yee.

courtesy yomart-minimarketDOTcoDOTcc

Ngeracik buat diseduhnye, ngikutin kaidah2 dari orang2 jaman baheula, serbuk kopi dari sachet dituang ke gelas dulu. Abis itu dituang aer panas mendidih kire2 85 derajat Celcius gituh. Trus gelas ditutup en entu seduhan dalem gelas dibiarin kire2 3 menitan.
Kalo disachetnye ade petunjuk “Cara penyajian: tuang satu bungkus kopi Fresco dengan 175 ml air mendidih. Aduk rata dan kopi fresco siap dinikmati.” Begitu nyang ada di sachetnye kupi susu nyang dibuat di Sepanjang – Sidoarjo Jatim ini.
Abis gitu 3 menit tadi didiemin buat diseduh, trus diaduk biar merata antara serbuk ame cairan kupi, abis entu gelas ditutup lagi en cairan didiemin lagi 2 menit. Begitu nyang diuji coba ame Bang Wiskul buat kupi susu nyang sejak Juli 2012 bulan puasa nyang lalu iklannye gencar di tv en media2 laen. Sama gencarnye ame saingannye Top Coffee produksi Wings.
Kalo fresco pake selebs Vincent ame si Jengkelin, naa kalo top coffee pake selebs Iwan Fals.

courtesy iklan-indonesiaDOTcom

Selese semua ritual nyang disebutin tadi, mulai ditest deh. Permukaan cairan bersih dari sisa bubuk kopi susu. Bersih dahh buat kite hirup dulu nech. Begitu dihirup, rasanye nyang nyembul duluan susu nye. Agak2 kemanisan entu gulanye. Rada ketutup juga entu rasa kopi nyang perpaduan robusta ame arabica.
Ada kesan encer juga sech. Kagak nendang entu kupinye. Tapi kesan eneg kagak ada juga. Baek waktu di mulut atawa udeh nyemplung ke dalem perut.
Kesan agak2 kemanisan masih kerasa, abis kite nenggak entu kupi susu. Tapi begitu kite hirup berkali2 entu cairan kupi susu, baru ade nyembul dikit tendangan kupinye. Pait2nye kupi sedikit banget muncul, ngasih kesan ini kite minum kupi susu.

Kalo kite liat campuran “ingredients” nye di kemasan sachet, emang ketulis “Komposisi: Gula, Krimer, Kopi bubuk, Susu bubuk, perisa susu, Acesulfame-K (mengandung gula dan pemanis buatan).” Nahhh itu die, kalo katenye Wikipedia mah, Acesulfame K entu 200 kali manisnye dari sukrosa atawa gula nyang biasa entu.
Kalo jenis serbuk kupinye, rencananye sih dari jenis kopi ame ampasnye, alias berjenis kopi tubruk. Cuman, ditinjau dari sisi rasa, doi rada2 kemanisan en encer. Kesan kupi tubruk nye rada ilang deh. Ini keliatan juga dari visual check tekstur entu serbuknye.

Nampak kristal2 gulanye banyak rasio campurannye dibanding ame bubuk kupinye. Yaa…sebanding begitu deh. Mangkanye kemanisan.
Perusahaan serbuk kupi susu ini juga bikin produk varian kupi susu nye kayak ABC susu, Kapal api susu, Ya!susu, Grande, Goodday.
Kabarnye dari segi market share, nyang varian kupi susu lebih laku daripade nyang fresco kupi ame gula doang.
Secara, tentang serbuk kupi nyang fresh coffee arabica and robusta, selaen entu fresco, juga ada nyang masuk penetrasi pasar lebih duluan, torabika susu juga nyampur kupi arabica en robusta. Entu die produk dari PT Torabika Eka Semesta – Tangerang. Begitu juga kompetitor nye nyang masuk pasar barengan, Top Coffee produk Wings – Jatim.


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: