Day 17 Ramadhan Tahun 2012

Dengan penuh rasa syukur Ramadhan kali ini buat Bang Naip banyak dilimpahin kesabaran dan keikhlasan. Masuk hari ke 17 sampe buka puasa tadi, dijalanin ame kesadaran nyang tinggi. Hari ini Senin 6 Agustus 2012 malem.

Kayak biasenye…awal2 Romadhon dijalanin sambil kerja secara rutin. Seperti biasenye juga, diawali berasa ngantuk nyang aduhai. Untung masih bisa dinetralisir ame sholat dhuha disela2 kegiatan nyang ada.
Guyuran air wudhu ngebawa nikmat seger luar biase. Kadang2 masih timbul kepengen emosi nyang ujung2nye bisa jadi kemarahan ame sesuatu nyang kagak sejalan ame nurani. Untung ajeh selalu disikapin ame kesabaran en keikhlasan nyang cukup.
Ya Allah…masih banyak ibadah2 Romadhon nyang dilewatin. Astaghfirullah. Berilah ketabahan dan kekuatan agar hamba Mu ini selalu beribadah yang semakin baik dari hari ke hari….waktu ke waktu. Amiin Ya Robb.
Semoga Romadhon kali ini dapat dilewatin ame segala rasa syukur en mendapatkan hikmah serta barokah nyang terkandung di dalemnye. Amiin Ya Robb.
Mohon Maaf Lahir en Batin.