Kenalan: Makruf Juni Jaelani

Ada historisnye kalo Bang Naip punya kenalan nyang panggilannye ame bang naip awalnye dijulukin Bang Jae. Sebagian orang manggilnye Bang Makrup. Entu semua ade benernye juga sech, secara nama panjangnye emang ribet, namenye Makruf Juni Jaelani. Orang kate, engkongnye ajeh nyelametin doi pake bubur merah bubur putih waktu kasih nama entu cucunye…barangkali juga deh.
Jadi namanye dari bokap nyokap doi begetoh dech… Makruf Juni Jaelani. Katenye doi, namanye entu boleh disingkat MJJ. Terinspirasi dari akronim SBY nyang kesohor entu. Jadinye bang naip manggilnye Bang MJJ… bisa dipelesetin Makan en Jalan-Jalan dah… hehehe…
Bang MJJ umurnye bangsa 47 taonan, perawakannye gendut. Badannye, tinggi banget kagak, pendek juga kagak, sedang2 ajeh sih. Mukanye simpatik…simpanze pake batik…hahaha…kagak lah…doi simpatik soalnye cenderung murah senyum en friendly gitu orangnye.
Nyang serem, doi punya hasil MCU atawa Medical Check Up, bisa juga istilah di kantor Bang MJJ CKB atawa Cek Kesehatan Berkala. Oh iya, bang naip lupa ngenalin asal muasalnye. Jadi bang mjj entu orang betawi nyang kerja di BUMN di Balikpapan Kaltim. Udeh 20an taon doi di Balikpapan.
Hasil cek kesehatan, MCU atawa CKB tadi, bikin bang naip nyang umurnye mudaan, jadi serem!
Nah ente tau sendiri khan pegimane gaya idup karyawan BUMN apelagi domisili nye istilahnye di ‘daerah’. Bang MJj punya diabetes, atawa kencing manis, atawa lagi gula darahnye tinggi. Ditambah lagi, kolesterol tinggi en tekanan darah tinggi atawa tensi tinggi.
Soal gaya idup, kalo bang mjj bilang ‘lifestyle’, bang mjj entu, kondangan melulu, acara kantor melulu, makanan udeh kagak kekontrol dah. Udeh gitu doi juga perokok berat, katenye sih ngerokok dari kelas 2 SMP! Ame hampir kagak pernah olahraga. Malahan, bang mjj cerita, kalo dulu pernah juga asam uratnye tinggi.
Sampe disini kita kudu tau dulu dunk, hikmahnye ape nih. Ternyate bang naip dapat hikmahnye dari gaul ame bang MJJ nyang sering jadi customer taxi silver bird nye bang naip, bahkan ditolongin bawain aksesorinye nyang beratnye ampun2 buat ke suatu seminar. Doi tuh orangnye optimis, kreatif, soleh, ikhtiar, penuh semangat. Misalnye ajeh ame indikasi hasil MCU doi, ya pergi ke dokter internist, konsultasi ame entu dokter en obat dari dokter kudu diminum disiplin.
Hidup, kate Bang MJJ kudu optimis, nyang penting lagi, jangan lupa ame Allah SWT, Tuhan Yang Maha Kuasa, Sang Pencipta Segalanya…. Amiin.
Kesamaannye ame Bang Naip, entu Bang MJJ doyan banget ame musik JAZZ. Pernah berdua nongkrong buat ngebela-belain liat live JAZZ band di salah satu cafe Jl. Cikini Raya. Disono pengunjung bisa nge-jam session ame musisi di panggung, mainin instrumen kebisaannye en main atawa nyanyi lagu/musik JAZZ kesukaaannya.
Masih terngiang2 di bang naip, entu perkataan bijaknye bang MJJ.