Rojak masih betah nangkring di pos ronda. Bermenit-menit yang lalu barusan aje masih rame cekikikan bang Naip (jagoan kite..!?!), uda jubaer (urang awak yg sodara2nye di padang pariaman aman dari gempa), mamat (temen ngamen en sodaranye si rojak), pak sutejo (ketua rt), Bang Wiskul juga ade. Mereka semua becanda, ngobrol ngalor ngidul tadinye. Berhubung malem semakin larut, ampir jam 12 malam, atu2 mereka pamit pulang, selaen kagak tahan ngantuk, serangan nyamuk makin membabi buta.. hehe..
Alhasil tinggal Rojak lah yg jadi penguasa pos ronda… temen2nye ngejulukin doi emang sebagai ‘cecak pos ronda’, sambil ngegitar pelan2, takut ganggu tetangga, doi nyantai ajeh nyanyi…
Tiba2 mata rojak ngeliat di lantai pos ronda dibawah bangku, ada seonggok kertas berlipat yg udeh dekil bulukan. Iseng2 doi ambil itu potongan kertas, dibuka lipatannye en doi baca tulisan berantakan di kertas itu.
Sekilas rojak ngebaca, kayaknye coretan ini berupa puisi bikinan seseorang nech.
Rojak pelan2 baca puisi itu:
Dikesunyian temaram nan redup,
Diantara sesekali bebunyian jangkrik,
Rembulan dan bintang-bintang berbinar,
Suara hati bergejolak,
Berlalu dari relung terdalam,
Menerawang perjalanan nafas selama ini,
Nyaris sedasawarsa kugapai langkah,
Bersama motor ku tercinta,
Oh.. my super ojek motor,
Dikau lah yang menemani hari-hari ku,
Menambah dukungan bagi anak istri ku,
‘Tuk mengais …to be continued (tulisan terputus…)
Biar kate di kertas entu kagak tertulis nama yg buat puisinye, Rojak udeh ngenalin deh ini tulisan siape. Cuman doi penasaran juga, dari mane juntrungannye bang Naip bisa bikin puisi nech. Udeh gitu, bait2 terakhirnye rada2 culun juga, ade kata2 ‘my super ojek motor’ …woouww…
Ok deh, kate hati Rojak, besok2 gw balikin itu kertas ke bang Naip en sambil nanya pegimane historis bang Naip bisa bikin puisi, padahal seharian narik ojeknye terus.
Top dah bang Naip! pikir rojak si cicek pos ronda, sambil ngeliat arlojinye yang kacanye ada somplak dikit. Wah ampir jam atu pagi nech, udeh waktunye Rojak gintur. Iye deh.. gud nait, bro..
Oleh: naive7 | 17 Oktober 2009
Puisi Made In Bang Naip
Ditulis dalam Tidak Dikategorikan | Tag: 12, abang, arloji, awak, bang naip, bang wiskul, betawi, bro, cerita, cerita betawi, gempa sumbar, gintur, hero, historis, jubaer, kertas, ketua, malam, mamat, maria ozawa, miyabi, motor, naip, naive, nangkring, ngalor, ngamen, ngantuk, ngidul, ngobrol, nyamuk, ojek, padang, pariaman, pos, pos ronda, puisi, rojak, ronda, rt, sutejo, Tanpa Kategori, top, uda, urang
NAIP Blogger......anak Betawi 
Tinggalkan komentar