Ke Samarinda, Kalimantan Timur (1)

Lambang Kota Samarinda

Emang kalo namenye rejeki kagak kemane-mane. Dua minggu nyang lalu, tiba2 ajeh Irfansyah ngajakin en ngebayarin Bang Naip buat nemenin keperluan tugas ke kota Samarinda di Kalimantan Timur.

Ujug-ujug ajeh Bang Naip kegirangan campur heran juga, kok bisa2nye Mas Irfan, panggilan akrab Bang Naip buat Irfansyah nyang orang Banjar Samarinda Kaltim, ngajakin Bang Naip dinas.

Apelagi, pan Mas Irfan nyang kerjanye jadi staf manajemen perusahaan developer di daerah Ciputat Tangerang, mustinye ame temen kantornye dunk kalo pergi dinas! Ternyate, setelah dijelasin ame Irfan, baru Bang Naip paham. Irfan, sebagai orang Kalimantan Timur tulen, ditugasin ame kantornye untuk survey pengembangan proyek-proyek perusahaan di luar Jabodetabek seorang diri. Temen-temen doi nyang laen udeh ditugasin ke Jateng, Jatim en ke Sulawesi Selatan bergantian.

mas irfansyah

Nah, sekarang giliran Irfan diminta sendirian ke daerah kelahirannye, Kaltim, buat penjajagan awal dari perusahaannye.

Berhubung Irfan kagak ade temennye yang bisa diajak, keruan doi ngajak Bang Naip yang cukup handal dijadiin temen perjalanan, berdasarkan cerite tetangga-tetangga nyang udeh pernah ngajak Bang Naip.
Irfansyah sendiri asalnya dari Samarinda bersuku Banjar, anaknya Pak

Pak Yuliansyah

Yuliansyah, tetangge bang Naip. Walau udah berumur 29 tahun, Irfan masih bujangan. Kalo bicara temen maen, udeh sedari kecil Irfan ame Bang Naip istilahnye udah sama “chemistry” nye.
Alhasil sampai di Kaltim, Irfan ditemenin Bang Naip, ngurusin kerjaannye, survey sesuai petunjuk dari kantornye Irfan. Selaen urusan survey, Bang Naip selalu diajak buat nyobain makanan khas Kaltim ato warung makan khas Kaltim di Samarinda. Istilahnye sekalian “wiskul”, wisata kuliner gituh. Doi berdua berpenampilan kayak artis selebritis dari Betawi banget dah.. hehe..

Pagi hari pertama di Samarinda, Irfan ngajak Bang

mekar indah out indoor

Naip sarapan di warung “helam” Mekar Indah. Istilah warung helam, menurut Irfan, maksudnye warung kopi tempat kongkow-kongkow antar sahabat dikalangan orang2 tua jaman dulu.

Minuman nyang dibuat oleh nyang empunya warung helam, bukan sembarang kopi atau teh. Istilah kopi helam, ato teh helam, maksudnye kopi susu ato teh susu tanpa gula. Jadi manisnye dari susu tambahannye itu. Kopi ato teh yang diseduh udeh dicampur racikan dedaunan tersendiri.

Kopi Helam

Jadi rasa kopi ato teh nye itu “nendang” banget.. bola kallee. Ato “dalam” banget gitu.. sumur kallee..

Ada lagi istilah roti helam, entu maksudnye roti “jadul” nyang dikasih selai srikaya buatan warung entu sendiri.

Rotinye emang roti jaman dulu, dimane roti tawar bentuk gelembung masih ame kulit kecoklatannye. Kalo ada nyang mesen roti helam berselai, mangkenye roti tawar dipotong2 jadi lembaran2 gede.

Roti "Helam" Srikaya

Dikasih selai srikaya, yaitu selai campuran telor, gula, susu en bumbu racikan nyang berwarna oranye tua kecoklatan. Mau dimakan utuh atawa dibakar dulu, jadi roti bakar gitu. Rasanye sech tuh roti helam jadi segerrr en nuansa rasanye agak-agak jadul gitu lhohh.

Kalo menu roti telor, yaitu selembar roti tawar jadul tadi diselimuti ame telor dadar.. Makannye pake bumbu saos yang buat lumpia plus lada merica bubuk en kecap asin.

Roti Telor

Rasenye cakep bener tuh menu roti telor.

Udeh gitu, Irfan style familiar ajeh ame crew warung Mekar Indah, ada yang namanye Ida, ada Lia, juga Mona. Anaknya encim yang punya warung helam ini ajeh, Mas Irfan kenal juga, ame yang namenye Suzana, emang botoh juga siy.. amoy asoy gèboy dah… Itu kate hati Bang Naip…

Lumpia Goreng & Teh Helam

Besok-besoknye, Irfan tetep ngajakin Bang Naip sarapan pagi di nasi kuning Bu Hajjah di depan SMP 2 sonoan dikit di Jl. K. H. Ahmad Dahlan. Mereka berdua tetep ajeh berpenampilan masing-masing pake “backpackers” nyang berisi laptop, dokumen kantor Irfan, en macem2 gadget keperluan. Pas siangnye survey ke arah Bontang, sempet mampir di RM Tahu Sumedang Km-40 Samarinda Bontang, nyobain menu andelannye, Tahu Sumedang.

Bakso Awang Long

Juga ke Bakso Awang Long nyang terkenal di Jl. A. Wahab Syahrani No. 1 di sore hari nyang rame.

Lumayan, Bang Naip bersyukur, akhirnye sempat juga explore di daerah Samarinda ame Mas Irfan. (kisah 1 dari 3 serial cerita)